日誌

今天我和軒軒的電話對話：

（約晚上11:15）

軒軒：喂，契爺！

我：（有點驚訝）咦，軒軒，點解咁夜嘅?

軒軒：我正話唔得閑！

我：哦！你做乜嘢唔得閑呀？

軒軒：我做緊功課！

我：咁做完未呀？

軒軒：未！

我：哦！點解你仲唔訓覺嘅?

軒軒：做緊功課點訓覺喎？

我：又係喎！有冇睇電視呀？

軒軒：（冇你咁好氣）做緊功課點睇電視喎？

我：（失笑）哈哈，係喎，又！咁你沖咗涼未呀？

軒軒：（不語）

我：（突然發現自己好笨，好驚軒軒會答：做緊功課點沖涼喎？立即改口）契爺星期五嚟搵你好唔好呀？

軒軒：（一口氣）唔得唔得唔得唔得！

我：（好驚）點解唔得呀？

軒軒：約咗人呀！

我：哦，咁幾時先得呀？

軒軒：一陣間！

我：下！咁咪好夜！

軒軒：我都未沖涼！

我：（諗落又啱！因為未沖涼即係唔算好夜啦！）不如聽日啦！聽日契爺嚟你屋企啦！（契爺聽日其實要開會，但一言既出...... 唉！）

軒軒：好呃！

我：你唔好睇電視囉喎！沖完涼快啲訓覺囉喎！（契爺好怕佢睇咁多TVB)

軒軒：好呃！

我：（咁都冇咁驚！）咁就乖嘞！契爺聽日打比你丫？講拜拜啦，好唔好？

軒軒：好呀！拜拜拜拜！

我：拜拜！

（按：因為放復活節假，所以軒軒生活有點不正常，可以訓夜啲。功課也分開來做。）