日誌

今天我跟軒軒的電話對話

軒軒：契爺，我炒車呀！

我：（大驚）下？幾時呀？

軒軒：以前呀...（爸爸在旁邊插嘴：正話！晏晝食完飯）正話呀！

我：喺邊度呀？

軒軒：二樓！（軒軒家的會所，二樓是個專門給小孩玩的花園。）

我：啊！點炒法呀？

軒軒：我踩緊單車落斜路，個哥哥撞埋嚟！個哥哥冇講 sorry!

我：你成個人跌倒囉 wor？

軒軒：係呀！

我：有冇受傷呀？

軒軒：整損咗啲手手腳腳！

我：有冇流血呀？

軒軒：有。隻腳多啲，隻手少啲！

我：你有冇喊呀？

軒軒：冇！

我：咁叻仔呀？

軒軒：係。返嚟先喊！搽黃藥水好痛！

我：啊！唔怕啦，契爺錫番啦！

軒軒：啊！