日誌

今天我和軒軒的電話通話：

我：軒軒！

軒軒：契爺！王昌齡！

我：下？邊個話？

軒軒：王昌齡《從軍行》！

我：（其實唔識！）邊個嚟架？乜嘢行話？

軒軒：青海長雲暗雪山...

我：哦！（始知道原來是唐詩）

軒軒：你唸畀我聽丫！

我：（好彩剛坐在電腦旁，趕忙 Google！一邊拖延時間）等陣先！等契爺揭去嗰頁先！...《從軍 行》丫嗎？

軒軒：係呀！

我：（找到）孤城遙望玉門關...

軒軒：係嘞！

我：黃沙百戰穿金甲...

軒軒：（極速）不破樓蘭終不還！

我：嘩，邊有人唸詩唸得咁快架？

軒軒：（話口未完，又一輪嘴）秦時明月漢時關，萬里長征人未還，但使龍城飛將在，

不教胡馬度陰山！

我：嘩，咩嚟架？

軒軒：王昌齡《出塞》！

我：犀利！

軒軒：你唸一首畀我聽丫？

我：（死火！考起！惟有硬著頭皮）契爺凈係識唸“床前明月光”咋喎！

軒軒：唸《楓橋夜泊》丫！

我：（好彩識！）好呀！月落烏啼霜滿天...

軒軒：（即接，又一輪嘴！）江楓如火對愁眠，姑蘇城外寒山寺，夜半鐘聲到客船！

我：太快啦！

軒軒：嘻嘻！

我：邊個作架？

軒軒：張繼！

我：叻仔！

軒軒：契爺你幾時同我食飯呀？六點鐘？

我：（為難）契爺呢排好忙呀！六點鐘唔得呀！

軒軒：咁你都要食飯架！

我：（啞口無言！）